Joie風騷：我哋係真愛！
陳曼娜女兒鄭祖兒（Joie）與老公Dicky結婚一星期即爆出桃色風波，昨日Joie如常到位於中環的牙科診所開工，有備而來的她戴上黑超，並穿上印有法文「為愛情盲目」的上衣現身，見到記者即面露笑容，頗具意味。
講到老公「前女友」金若希自稱有BB，Joie說：「一定唔係我老公嘅，信得過老公。（知道金小姐嘅存在？）知，佢前女友，兩、三年前已經分手，係我識老公之前，肯定冇疊住。」講到金小姐指Dicky婚後仍與她過夜，Joie指對方講大話，並說：「呢件事令兩夫妻感情更加好，普通人唔會有咁嘅考驗，但係我哋係真愛所以唔怕！（對你哋感情有影響？）對生活有少少影響，但係冇影響根本感情，因為老公好坦誠。呢個係金小姐嘅目的，想擾亂我哋生活，但係唔會咁輕易，因為我絕對信任老公。」