大吉利是！張衞健：唔使幫佢捧車頭相！
蘇永康與BIG FOUR成員張衞健、許志安及梁漢文情同親兄弟，得悉終於不用為好友守秘密時，紛紛送上祝福，當中以張衞健最夠「義氣」，他說：「阿公佢老夫嫩妻，老來得子，有仔送終！我一直諗住等佢兩腳一伸就幫佢捧『車頭相』，依家有人幫佢擔幡買水！」他又揶揄好友如願登上C1頭條：「我收到風，蘇家有後已經成為全城熱話，網民紛紛祝賀，係大件事！蘇永康有仔生同太陽喺西邊升起係冇分別嘅，我估計聽日CNN（美國有線電視網絡）會相繼報道o架喇！」
至於許志安被問到BIG FOUR會否做契爺，他笑言要視乎阿公意願：「不過可能會畀我哋三個教壞，1歲就畀佢睇啲『好嘢』，教育電視，性教育！」梁漢文則笑說：「我相信佢嘅朋友、歌迷都戥佢開心！」
蘇永康同時是組合「男人幫」成員，成員黃家強笑言睇好BB日後進軍潮流界：「老竇老母都係潮流達人，大個一定係做Model，唔做Model都做Designer啦！」身為阿公唱片公司老闆及組合成員的任賢齊，則希望阿公多抽時間陪太太。
