歌手連詩雅（Shiga）日前飛往泰國布吉出席周柏豪與圈外女友的婚禮，她昨晚出席活動時說：「我都唔係知佢結婚好耐，咁啱嗰幾日冇嘢做，即時買機票去。」並表示當柏豪是哥哥：「入行第一個識佢，自己都有喊，好有衝動結婚！（柏豪係咪雙喜臨門？）唔知，問番當事人。」提到柏豪婚禮全程「被偷拍」，怕不怕被以為是放料者？Shiga說：「我哋一家人嚟，可能係路人同遊客影呢！」
至於柏豪的經理人公司老闆鄒世龍大爆一對新人宣讀誓詞時眼濕濕：「親戚朋友都有喊，婚禮簡單而隆重，好感動同開心，見證柏豪大個仔完成人生大事！（邊個係證婚人？）係一名外國人，一對新人中英文誓詞都有讀，完成儀式後有跳舞。」