藝人陳貝兒昨現身有份投資的綠色飲食店分店開幕禮，透露自己共投資了近七位數，希望將來賺到少少私己錢。兩位媽咪級藝人陳倩揚和前主播趙海珠亦有到場，陳倩揚說：「老公未結婚前膽固醇高兼大肚腩，我將佢肉食和素食比例調節番，佢成功減磅，連醫生都讚我叻。（囝囝有冇揀飲擇食？）大仔有少少，所以我同佢一齊包下七彩色素菜餃子，顏色靚，吸引佢多食蔬菜。」
育有一子的趙海珠，剛於4月再誕下一女，亦緊張小朋友飲食，會自製飯糰給兒子帶回校做小食，當看到兒子帶着吉盒回來便開心不已。她說大仔愈來愈需要大人的注意，故計劃聖誕帶他去日本旅行。
