張曦雯真空上陣 自爆愛裸睡
無綫藝人張曦雯（Kelly）出席記者會時以超低胸現身又大騷長腿，她尷尬表示真空上陣。崇尚自然的她更自揭一向愛裸睡，認為有助女生發育及身體健康，不過她澄清自己不是露體狂，至今也未有勇氣學人裸泳。
Kelly昨午偕同李施嬅、莊思明及趙希洛等於尖沙咀出席明珠台《酒遍全世界3》記者會。性感現身的Kelly由始至終不肯脫下外套拍照，後來靦覥向記者表示因時間趕忙關係，自己來不及「打底」:「裏面係真空嘅，呢排好忙冇太多時間打扮，同埋我崇尚自然。（平日愛裸睡？）我鍾意free啲，況且女仔咁樣發育好啲、健康啲。（幾歲開始有咁嘅習慣？）唔記得。（以前啲男朋友點睇？）佢哋開始時都會好似你哋咁問。（試過裸泳？）咁又冇，我唔係露體狂。」
李施嬅回味法國之旅
談到Kelly早前演出劇集《律政強人》表現被讚，不過最近卻沒有再入劇組，她亦直言心急：「拍劇好好玩，我又覺得自己唔係咁多嘢講，所以唔係好啱做主持。（主動聯絡監製？）睇嚟都要，我會努力啲。」
同場的李施嬅表示早前遠赴法國10天拍攝《酒》節目，被安排入住酒店更可面對着艾菲爾鐵塔浸浴，令她回味無窮，此行亦令她見識到法國男生的浪漫。
至於早前她於社交網站上載與外籍異性的親暱照，她謂：「我哋喺美國合作拍微電影。佢有西班牙血統，但就喺美國住，係好男仔嚟嘅，我哋有保持聯絡，相處吓先。」談到台慶夜表演彈「另類鋼琴」，她笑說：「估唔到咁大回響，但我打晒底，一定冇走光嘅。」
文﹕影視組