太極以為溫拿係洋人

樂隊溫拿和太極昨日出席電台訪問，明年1月7日兩隊合體開騷，他們表示演唱會Rundown已準備就緒，兩隊一齊開騷很難得，因溫拿是70年代，太極是80年代，太極說：「當年溫拿係唱英文歌，我哋有聽，可以話係飲溫拿奶水大，嗰時仲以為係鬼佬唱，你見阿倫個樣鬼鬼哋，而健仔（彭健新）彈結他咁Chok，中國人好少彈到咁Chok。」健仔指屆時台上11個人已經好震撼，眾人笑說：「由影海報到記者會，我哋都好嘈，真係得個嘈字。」他們又謂今次演唱會外界反應很好，外地主辦商亦已斟兩隊樂隊到外地演出。