徐肇平畀媽咪丟晒珍藏肉赤！

徐肇平、張啟樂同是Kawaii旗下藝人，同聲同氣的二人亦是變形金剛粉絲，早前更相約到東港城舉行的《東港城X變形金剛——基地保衛戰》朝聖全港首個變形金剛G1主題活動！

放十年八年會升值

在加拿大長大的徐肇平，自小與哥哥收藏不少模型，變形金剛亦是其中一員，不過多年來的珍藏被媽媽黃淑儀不經意全送給別人，他說：「有一日發現啲模型唔見晒，先知道媽媽送晒畀人！可能佢覺得我哋大個咗，啲玩具冇用啩！」心痛非常的他笑指有些模型再存放十年、八年，應該會升值！

徐肇平、張啟樂到東港城舉行的《東港城x變形金剛——基地保衛戰》朝聖，開心到飛起！	徐肇平自細就喜歡收藏變形金剛，當然至愛博派領袖柯柏文！	徐肇平、張啟樂都是變形金剛的忠實粉絲。

變鞋癡有童年陰影

張啟樂則喜歡收藏鞋，試過一日購買十對鞋，家中有過百對鞋，他喜歡收藏鞋子原來受童年陰影影響：「細個父母離婚，我就畀人『掉嚟掉去』，有時爸爸接我走我就要走，然後又掉我去婆婆度，到我習慣同婆婆住嗰陣，媽媽又嚟接走我！嗰時我好多嘢控制唔到，依家大個咗，想自己控制想要嘅嘢！」他自言不喜歡丟掉東西，家中的收藏品亦愈來愈多，他笑說：「就算鍾意變形金剛都唔敢收藏，因為怕一發不可收拾！」

估唔到阿媽掉晒我嘅珍藏。（設計對白）

哈哈，我點知咁多！（設計對白）

文：影視組

場地：東港城

徐肇平服裝：Cheap Monday,NEUW