羅蘭貪方便坐「順風車」
資深藝人羅蘭及胡楓昨日以抽獎嘉賓身份出席港鐵《開心搭．生日》活動，並大讚港鐵方便，問到平日會否揸車代步？羅蘭自爆經常乘搭胡楓的「順風車」回家：「收工時見到修哥（胡楓），我就唔使等公司車。」記者笑指若二人年輕時被拍得多次同車，定必傳緋聞，胡楓即笑說：「我同過咁多女主角合作，如果要傳，我咪好唔得閒？」
談到最難忘的生日經歷，胡楓透露80大壽當日獲近200人為他驚喜慶祝，當中羅蘭亦有份隱瞞，羅蘭笑言忍足半年：「當晚好感動，佢屋企人練定歌上台唱。我忍咗半年唔話佢知，但我哋成日工作會見。」
