孫耀威開舖攬低胸陳美詩：好似真係搞婚禮咁！

藝人孫耀威（Eric）開設的高級男士禮服專門店昨晚舉行開幕典禮，多位圈中好友如李克勤、車婉婉、陳浩民夫婦及李彩華等到場支持，熱鬧程度十足「孫陳聯婚」，「新娘子」Eric女友陳美詩（Macy）更罕有穿性感大Deep V裙現身。談到開幕似足結婚，Eric笑說：「好似真係搞婚禮咁，個個都想叫（嚟捧場）。」特別感激好友李克勤：「佢第一個覆我話嚟，同埋由我第一間唱片公司到環球，我都跟住佢嘅，我諗我下一間都應該去英皇，講笑！」他透露過去兩星期試業的生意不錯，今個月已不用蝕錢，是他有史以來最成功的生意，並多謝女友支持，更望跟同一條街、由曾志偉代言及蘇志威開設的西裝舖打造成香港的fashion street。