傅嘉莉學廚餵飽「老公」
名模兼藝人傅嘉莉（Kelly）做「姊妹」送好友出閣，早前聯同新娘及其他姊妹到泰國展開婚前旅行，她說：「新婚嘅係我中學同學，佢對我好好，當時我一邊拍戲一邊讀書，佢喺學業上幫我好多，經常指導我。佢結婚當日，我真係好感動，見住佢同男友由拍拖到結婚，有種大家終於成長、成家立室嘅感覺，祝佢永遠幸福！」
此行除吃喝玩樂外，她們還報讀烹飪課程學煮泰國菜，為做賢妻作準備，Kelly說：「希望我將來都可以入得廚房、出得廳堂，餵飽未來老公！」菜式包括青木瓜沙律、鹽包雞、咖哩豬及杧果糯米飯，她坦言甚為辛苦：「煮到身水身汗但好好玩，下次去其他國家都會考慮學煮當地菜。」她又為新娘子安排婚前派對，見證大家的友誼。
