莫文蔚騎呢鬈髮老公至Like

藝人莫文蔚（Karen）與趙學而昨日出席髮型師Carr的髮型騷，Carr為Karen打造一個復古鬈髮，又加了一些幾何設計的頭飾，型格十足！問到老公喜歡她哪款髮型？Karen說：「佢應該鍾意我17歲嘅髮型，嗰時讀書好求其，係自然鬈嗰種，好騎呢！」談及10月1日剛度過結婚5周年，她透露明年是與老公相識30周年的大日子，故打算開Party慶祝，問會否重拾17歲的髮型，她笑說：「正喎！（老公都整埋？）咁好驚喎！佢當年係爆炸頭，戴假髮得啦！」至於染了一撮藍髮的學而透露，前後共染了3次，花了14小時。