歌手朱紫嬈（Khloe，圖）昨日接受新城訪問，透露正為電影《五月》開工，早兩星期在內地取景，撞正天氣凍，要即買大褸及頸巾保暖，而有份演出的廖偉雄，因要進行割腎石手術，惟有跳拍他的戲份，待他復工再補拍。
問到可習慣內地住宿？Khloe坦言：「對我嚟講，拍戲都係新鮮，原本劇組係安排住宿舍，嗰時我都未去拍，聽佢哋講係踎厠，後尾到我哋拍之前都搬咗去酒店，所以，對我嚟講係冇問題。」至於聖誕節，她稱可能在工作中度過，拍戲會最優先，但若劇組能放人，就會去做搵錢騷。
