Sexy羅霖裙張開毛心搶Fo
圈中富婆陳曼娜昨日嫁女，愛錫女兒的她早前已一擲700萬元買嫁妝，加上昨晚的鑽飾與大排筵席等使費，埋單逾千萬元！陳曼娜一班圈中好友前來祝賀，其中羅霖打扮性感，可惜老貓燒鬚不慎走光！
藝人陳曼娜愛女Joie昨日出嫁，晚上於灣仔筵開四十席婚宴。榮升外母的陳曼娜以一身粉紅打扮配紅寶石巨鑽戒現身，夠晒氣派！早前獲母親送贈700萬嫁妝、包括400萬元黃色法拉利的Joie同樣「鑽」數高，一身名貴鑽飾再加多套名師設計的晚裝、婚紗，加上酒席與會場大型布置，結婚使費超過千萬元！
再婚？要考慮小朋友
陳曼娜於圈中人緣甚佳，昨晚出席嘉賓包括宣萱、吳卓羲、羅霖、吳綺莉與吳美珩等，林子祥則擔任表演嘉賓。羅霖身穿低胸高衩晚裝到場，步入會場時卻驚現露毛，但事後受訪時否認走光：「我一早打晒底！着咗件Jumpsuit所以唔驚。」被問到曾經歷婚姻失敗，是否對婚姻感害怕？羅霖否認：「係有咗教訓就會謹慎選擇，唔會好似後生咁不理後果，要考慮小朋友。（三個仔唔想你結？）唔關事，作為媽咪有照顧佢哋嘅責任，安頓好晒先會考慮。」
而吳綺莉被問到女兒卓林為何未有陪同前來時笑說：「佢依家十七歲喇！唔同我出街o架喇！（有冇同你分享愛情觀？）我哋屋企性格都好似，覺得玩吓玩吓就不如唔好拍拖！」
婚宴前，陳曼娜與女兒Joie及女婿Dicky先行受訪，談到是否想抱孫？陳曼娜踢爆女婿恨生仔：「希望打孖生肥B！我個女婿好恨仔啊！」問到女婿值幾多分？陳曼娜笑言101分：「呢個女婿叫佢行就行、企就企，好孝順。」
文：影視組