黃智雯變小三呼冤

藝人袁偉豪與岑杏賢（Jennifer）日前已於社交網交代「分訊」，袁偉豪日前向本報表示不會回應後，岑杏賢昨日就首次對分手一事作回應，她以短訊回覆：「多謝大家關心，我現在心情已平靜，大家不用擔心，大家係和平分手，細節唔多講，大家已交代好。」

合作多有默契

其實袁偉豪與Jennifer於此事上已處理得很好，不過，昨日又有報道指他們分手是跟黃智雯有關，有指袁偉豪的異性緣甚旺，跟他合作多次的老拍檔黃智雯更關係密切，不時態度親暱，故Jennifer看在眼裏，不是味兒，更向男友逼婚。無端成為「分手導火線」的智雯，昨日接受訪問大呼冤枉：「咁我同袁偉豪合作過好多次，大家有一定默契，開工以外，有時都會一大班朋友出嚟食飯，袁偉豪女朋友都在場o架！（驚唔驚男友誤會？）梗係唔會啦！」

袁偉豪力撐岑杏賢是好女友。	黃智雯與袁偉豪曾拍激吻戲，表現肉緊。	袁偉豪與岑杏賢曾與黃智雯同場一齊玩。

重申冇被逼婚

而袁偉豪昨日亦接受訪問，更為「兩女」抱不平：「對於報道所講，本身我同Crazy Runner班兄弟姊妹（智雯都是跑友之一）係好朋友，亦都係工作上嘅好拍檔，並唔係報道所講，智雯係導火線，一切都只係我同Jennifer兩個人嘅事，報道中亦有講話Jennifer逼婚、呷醋，都唔係事實，Jennifer係一個好好嘅女友，佢亦都付出咗好多時間喺呢段關係上。」

文：影視組