聖誕冇人約唔得喎! 鄧麗欣：冇面嘛
藝人鄧麗欣（Stephy）及導演葉念琛出席新片《失戀日》宣傳活動，預告片中，Stephy因懷孕問媽媽金燕玲借錢，結果遭狂摑，二人七情上面。談到該片於聖誕檔期上映，Stephy坦言與方力申分手後要過單身聖誕：「到時開工拍新片《空手道》，聖誕對我嚟講唔係好重要。（有咩係重要？）過咗去啦。（有異性約？）講話冇唔得喎，冇面嘛！梗係有，不過我要開工去唔到。」
Stephy表示拍攝《空》片，大部分要親身上陣打擂台﹕「有一場講我同一個黑帶三段嘅女仔對打，導演想我兩分鐘一shot直落，雖然我係輸，但都要學識捱打同閃避。」她又指打上癮，有興趣繼續學習空手道。
