唔想Mr.夾硬做 Alan：會粉身碎骨
樂隊Mr.主音布志綸（Alan）與樂隊HeyJoeTrio昨日出席電台訪問 ，提到Alan曾表示太攰不想再夾band，他指之前已澄清：「唔只我一個人攰，其實大家都有攰嘅感覺。」問到可有後悔說「娶了四個成員」這句話？Alan表示：「其實只係一個比喻情侶關係，就如同一個人拍拖，何況我係對住四個呢。」
離開環球前，Alan最終完成了22首新歌，只是仍未發表，他認為如果Mr.繼續做落去會好吃力：「真係會粉身碎骨，所以等有共識先再做新歌，依家各自去做自己想做嘅事，但唔代表係拆夥。當我哋行出嚟時係要隊真正Mr.，而唔係一個未諗清楚點做嘅Mr.，我哋一定有呢一日再出嚟見大家。」