王君馨結束愛情長跑宣布結婚

現年30歲的王君馨（Grace）日前入紙與拍拖11年的男友Daniel註冊結婚，令娛樂圈「處女黨」成員買少見少。Grace昨日如常開工，與曹永廉到旺角拍攝劇集《超時空男臣》，期間春風滿面，不時展露歡顏。

網上晒巨型鑽戒

Grace受訪時不願多談未婚夫的背景及求婚過程，她說：「不停有朋友祝福，但因為要開工未逐一回覆。（打算幾時擺酒？）等我返嚟先慢慢諗，家長就當然見過，希望出年搞啦。套劇都要拍到一月底，到時再籌備。」據知，Daniel將放棄在美國的事業，決定來港居住，Grace直言感動：「一個男人要放低晒所有嘢，都係個好大嘅決定。（老公從事咩行業？）畀多啲空間佢，佢嗰邊做開嘅工作，返到嚟又未必想做呢。」其後她在網上晒巨型鑽戒及與Daniel和一班親友的合照，她又透過短訊回覆，留待明日跟袁偉豪出席活動時才詳細受訪。

王君馨未肯透露男友的求婚過程，但在社交網上載巨型鑽戒晒幸福。	巨型鑽戒	昨日如常開工的王君馨表示要明年才開始籌備婚禮。

香香有出嫁衝動

Grace的好姊妹紛紛送上祝福，岑麗香表示較早前已得知喜訊，大讚Daniel好人，並笑言被感染，有想嫁的感覺：「近期咁多喜事，都會感染到氣氛，但自己心目中有時間表嘅。」苟芸慧亦表示已向Grace送祝福，問她何時結婚？她說：「我唔擔心，幸福唔怕遲，等我啲好姊妹嫁晒出去，到時候就應該到我喇。」李亞男及鍾嘉欣亦戥Grace開心。

香香（左）與苟姑娘戥好姊妹開心。

王君馨日前入紙與Daniel申請結婚。

此外，Grace在劇集《城寨英雄》的拍檔胡定欣坦言很高興：「知道佢同男友成日分開兩個地方，希望佢哋結婚後見多啲，唔使分開咁遠。」陳展鵬及袁偉豪亦向君馨送上祝福。至於曹永廉表示君馨平日很少將男友掛在口邊，直言開心近年有不少好友結婚，並趁機催老友蕭正楠成家立室。而蕭正楠祝福Grace之餘，亦笑言等女友黃翠如求婚。

文：影視組