有冇立遺囑身家點分？
劉鑾雄昨日被發現入紙與甘比排期註冊結婚，快將成為劉太的甘比日後與呂麗君在遺產分配方面會有何分別呢？執業大律師陸偉雄答覆相關Q & A。
冇遺囑的情況下
Q：冇遺囑者去世後，遺孀抑或子女才是最大繼承遺產者？
A：陸偉雄表示遺產分配為三部分：「遺孀先可以擁有全部非土地實產，例如家具、汽車、配件等，佢亦可以先取得遺產嘅50萬，之後遺產分為兩份：一半畀遺孀；另一半，冇遺囑者嘅所有子女都可以平均分到。」
Q：冇遺囑者去世後，非婚生子女有否權利爭取繼承遺產者？
A：陸偉雄指只要證明到子女的生父是冇遺囑者，非婚生子女同樣有繼承遺產的權利。
Q：如冇遺囑者去世後，非婚生子女的生母有否權利爭取繼承遺產者？
A：陸偉雄表示冇遺囑者的非婚生子女的生母，能以受養人身份爭取，他說：「如果死者生前一直有供養呢位女士，而呢位女士亦有證據證明死者生前係長時間、多年供養佢，就能以受養人身份去爭取，而非以太太身份爭取。」
有遺囑的情況下
Q：如死者生前已立遺囑，非婚生子女及非婚生子女的生母有否權利爭取繼承遺產者？
A：陸偉雄說：「根據遺囑上嘅名單分配，立遺囑者鍾意畀邊個就畀邊個，同身份無關，一定要遵從遺囑去分配。」