林保怡再唱兩嘴
藝人林保怡與蔡立兒昨日以大使身份出席活動，向商用車司機派發福袋。保怡自認是醒目司機，除了一眼關七外，見勢色不對就會轉行其他路：「好似人生咁，我條條路都試過，拍劇唔得就拍電影，電影唔得就唱番歌！」
他又笑言最想過退休生活：「好正(o架)！（幾時？）你問吓胡楓先，佢都未退休，我點可以退？但講笑啫，我都好多嘢未做！」原來歌手出身的他有意再唱歌，他說：「已經錄完喇，依家等拍咗MV先出，我搵咗《瑪嘉烈與大衛》嘅導演幫我拍，應該12月拍。」並透露曾考慮翻唱自己的舊作，例如與劉美君合唱的《偷窺》。