張名雅粗身大勢烏身睇近萬蚊BB車
前港姐冠軍張名雅（Carat）9月下嫁圈外律師男友Joe，11月初已火速宣布懷孕，Carat還公開大讚老公厲害，一擊即中。如今懷孕超過三個月的Carat，已經出動挑選BB用品，更豪氣專挑貴價BB車。當日Joe食晚餐時才會合Carat，見他對老婆呵護有加，連行入餐廳短短一段路，也要拖到老婆實一實，羨煞旁人！
張名雅自宣布懷孕後，一直養尊處優，過住幸福少奶奶生活。日前她靜極思動，相約女友人現身銅鑼灣名店林立的商場，當日她一身輕便打扮，以緊身牛仔褲配長靴，懷孕超過三個月的她，腹部未見隆起，而且步履輕盈。Carat專攻名牌BB用品，首先走進一家知名BB服飾店左揀右揀，還專睇灰色系列衫仔，從未對外宣布BB性別的她，莫非今胎一索得男？她還細心地撫摸衣物用料，又不時請教店員，可見初為人母的她非常緊張！之後她與女友人再到專賣BB車的店舖，聚精匯神地左挑右選，更不理自己粗身大勢，竟烏身推BB車，又細心研究BB車性能，而她所挑選的都價值近萬元，但以Carat老公的財力，對她而言，萬元BB車相信只是基本要求！
當老婆女王
雖然Carat最後未有斬獲，但依然興致勃勃跟女友人「轉場」繼續濕平，期間有傾有講，未幾二人行到一間餐廳前停下來，原來女友人夠鐘「交人」。當時正值放工時間，此時Carat老公急步上前會合老婆，並醒目地發現記者，兩公婆初時表現錯愕，但依然保持微笑。Carat甜笑透露老公剛剛放工，即趕過來跟她吃晚飯。現場所見，餐廳設有樓梯上樓，Joe即緊張地拖實老婆慢慢行，又細聲問她餓不餓，完全當老婆女王般看待，相信Carat此刻就似空肚食糖果，一定甜到漏！
文：專案組