江若琳（Elanne）前日在北京舉行簽唱會，過百粉絲捧場。她獻唱新歌《星星之火》時數度哽咽落淚，她說：「首歌係寫畀所有支持江若琳嘅朋友，想要感謝每一位為我點起星星之火去溫暖我嘅朋友，喺台上見到一啲熟悉面孔，我真係嚇咗一跳，佢哋係我香港嘅粉絲，都係從我出道開始一直支持我嘅家人。」簽唱會後，一班粉絲於凌晨四時出發返港，Elanne表示一定會報答大家：「我永遠唔會忘記香港嘅粉絲，香港係我嘅根，不忘初心，我係香港歌手江若琳。」
