陳庭欣1秒姦殺畀烏蠅摟鎖骨
無綫小花陳庭欣（Toby）於新劇《致命復活》被先姦後殺，「棄屍荒野」時有蒼蠅撲向鎖骨，境況嚇人，但Toby卻繼續扮死，被讚肯捱夠專業。有網民擔心她只得這場「一秒強姦戲」未能有所發揮，Toby卻透露自己仍有不少戲份，很開心新劇口碑不錯。
由郭晉安、萬綺雯（蚊蚊）及王浩信等主演新劇《致命復活》前晚一連播出兩集，隨即成為網民熱話。首一小時收視平均22.1點，比上星期同時段節目升3.3點，之後一小時平均收視20.1點，較上星期高出6點，相信後勁有持續之勢。當大家討論被綁架困在深山的安仔悲慘命運，以及救夫心切的蚊蚊連番遭誘騙及差點被強姦，戲中另一亮點一定是Toby。這位前港姐冠軍「打頭陣」出場，首集佔戲約十餘分鐘，劇情交代她向安仔示愛，卻遇上綁匪，結果遭姦殺及棄屍荒野。這場「一秒被姦戲」獲網民讚專業，名副其實奮不顧身。
健身減肥 死都要靚
昨午Toby為新劇《踩過界》開工，劇中扮演想做變性手術由男變女的角色，她走到女浴室洗澡被人報警，相信是另一次演技大挑戰。之後Toby接受訪問，提到她在《致》劇瞓身演出被讚，Toby笑說：「其實環境唔算好惡劣，反而車程同化妝時間長，所以辛苦啲。（蒼蠅撲埋鎖骨喎。）我好驚蛇，好彩冇，瞓落去嘅地方有好多蟻。（介意呢類角色？）遲啲會交代我同朱晨麗有啲關係，我仲會喺回憶片段出現，最緊要觀眾睇得開心啫。」她又稱拍《致》劇前有健身減肥，希望「死」都要靚，並笑言不想被「抬屍」的人嫌重。
郭晉安「埋怨」化妝師
被指有望憑此劇再奪視帝的安仔昨日如常開工，就連視后級好友田蕊妮得悉口碑好，第一時間傳短訊恭喜安仔。阿田向安仔說：「我助手話好好睇，我未睇，暫時冇得同佢討論，真係要恭喜安仔你拍咗套咁好嘅戲。」安仔笑說：「頭先我埋位化妝，個化妝師係咁同我講尋晚嗰場戲，講到唔記得同我補個眼袋，我都唔知好嬲定好笑。」
文：影視組