Chilam跳樓畀你睇
藝人張智霖（Chilam）及太太袁詠儀（靚靚）日前到上海拍攝內地真人騷，擔任老師的Chilam為節目中的學生教授動作戲份，並以《射鵰英雄傳》裏穆念慈比武招親的一幕作為教材。曾於1994年演過「郭靖」一角的他，相隔22年後再演「郭靖」，大晒凍齡靚樣，令全場學員睇到Ｏ嘴。至於靚靚就反串上陣，更於嘴角黐上大粒癦，十分搞笑！
Chilam為節目專程請來香港動作導演林迪安，教導學生基本動作場面。而他更親力親為示範「跳樓」，做足安全措施的Chilam說：「希望以 自己的勇氣跳下去，做一個好的示範。」當他走到接近兩層樓的高度準備跳下時，身處地面的太太靚靚出言打氣：「得o架，老公你得o架！可以背落。」Chilam聞言則笑說：「我梗係得啦，有乜咁難。」之後Chilam成功表演「跳樓」，全場拍爛手掌。
