滕麗名燒芝士愈燶愈滋味

藝人滕麗名向來識享受,平時不用開工,便與老公去旅行、滑雪、潛水或打高爾夫球等。作為人妻自然要入得廚房、出得廳堂,日前她在社交網上載一段自製軟芝士的短片,標題為「食芝士識食一定要咁食」。片段中,阿滕開始整芝士,並說:「我最鍾意係北海道芝士。」突然一把磁性男聲問:「咁點整o架?」她即溫柔地說:「好簡單咋!咪剪開個袋囉!」不少網民均猜測該男聲屬阿滕老公。

阿滕自言食芝士不愛食皮:「但就咁生食又唔好食。」見她以利落刀法將芝士一片片切開,然後放上「芝士爐」:「呢個爐專For芝士,放上去燒到燶燶哋就OK,愈燶愈好食,想快少少切薄少少就得,兩、三分鐘就得,好味!」她又分享心得:「食西餐時,啲人多數鍾意將芝士溶落薯仔同南瓜度食,呢隻芝士我唔知香港有冇得賣,每次去北海道,我都會喺機場買一舊。」她還介紹另一款「Gruyere」芝士,大家不妨試吓吖!