轉移視線？陳凱琳爆嘉穎講錯英文

藝人陳凱琳（Grace）昨日到中環出席美容店剪綵儀式，提到將「奮不顧身」講成「粉身碎骨」，她竟然玩「篤爆」，指男友鄭嘉穎亦有「語言障礙」，她說：「我入行以來冇金句，依家有啦！（嘉穎爆你經常講錯四字詞？）係，其實佢都試過講錯英文，我會同佢講番，我哋互相幫助，仲學緊普通話添！（嘉穎用『好得意、富娛樂性』形容你講錯嘢，冧唔冧？）都開心嘅，台慶應該開心，帶畀觀眾娛樂，呢個就當係我送畀TVB嘅禮物。（佢話『粉、奮』都算近音？）幾好，不過都有少少夾硬，我爸爸中文叻啲，平時幫我睇劇本，我會『投靠』佢o架喇！」