子女有乜權益？

「事實婚姻」

Ｑ：究竟「事實婚姻」是甚麼？在法律上有效用嗎？

Ａ：律師梁永鏗解釋「事實婚姻」在香港是不適用，雙方在沒有正式註冊成為合法夫妻的情況下，但曾經過着夫婦般的生活，即是同居，也不等於是「事實婚姻」。梁永鏗說：「喺香港係唔適用，其實只可以話同居，就算有小朋友，都係解釋為同居。就算一夜情而有子女，都唔等於事實婚姻。」

私生子

Ｑ：如雙方父母沒有正式簽字成為合法夫妻，所生的子女俗稱為「私生子」，究竟「私生子」與「非婚生子女」有何分別？他們能向生父追討生活費？

Ａ：梁永鏗律師與陸偉雄大律師表示無論是「私生子」或「非婚生子女」，這些字眼在法律上來說並不重要，只要證明到是子女的生父，已可追討生活費：「分開咗，其實男方冇責任理該女士，但絕對有責任理子女。」而陸偉雄則表示：「作為媽媽或監護人，子女本身亦跟媽媽生活嘅話，理應係可以向生父追討allowance，呢個allowance可以令佢照顧對子女，資助佢！女方唔係用太太身份，而係因應照顧子女嘅需要而追討allowance。如果子女本身跟爸爸生活，咁女方就唔可以得到allowance。」

家產

Ｑ：如子女出世紙上，生父欄目沒有填寫名字，可否分生父家產？

Ａ：梁永鏗說：「就算冇寫父親名，但點都係親生。雖然女方可以喺父親欄目填邊個名都得，但係一驗DNA就知龍與鳳。如果女方一直靠男方生活兼冇結婚，但男方離世兼冇立遺囑嘅話，女方先至可以向法庭申請追討部分家產。」