琦琦反串夫妻檔壓軸行騷

名模琦琦與老公任達華（Simon）日前獲大陸節目《伊泰天驕百男大秀》邀請擔任模特兒，琦琦穿上白色西裝加黑色闊腳褲與老公擔任壓軸，大鬥帥氣！琦琦說：「呢個騷係邀請各行各業嘅型男，佢哋來自大陸、香港、台灣、日本等地，有成百個型男，Simon就代表演藝界，咁佢哋覺得我着男裝都好型，所以就叫埋我一齊去。Simon一出場好有氣氛，啲觀眾不停尖叫拍掌，好熱鬧，我哋玩得好開心。」琦琦又謂好難得見到過百個型男，場面誇張，還在老公面前大讚他們，但Simon一點也沒呷醋，反而十分認同，琦琦笑說：「佢梗係唔呷醋，因為佢知，我最鍾意嗰個已經喺隔籬。」