圖書館義工照顧三女 楊張新悅歎咖啡抖氣
育有三女的前藝人楊張新悅前晚出席慈善晚宴，對於有媽媽將兩周大的嬰兒棄在圖書館後去飲茶的報道，她認為對方做法不對，但自爆亦曾留下囡囡在圖書館參與閱讀時間，不過，她認為兩者情況有別，不能相提並論。
前藝人楊張新悅（Nicola）、名媛周瑋瑩（Jacqueline）及周國豐伉儷等前晚出席香港保護兒童基金會慈善晚宴，對於有媽媽將兩周大的嬰兒棄在圖書館後去飲茶一事，Nicola認為做法對初生嬰兒不好，但就自爆試過留下三名女兒在圖書館參加閱讀時間，然後自己去買咖啡。問到她不擔心囡囡不在視線範圍內？她表示三位女兒較年長，至於留下女兒多久？她說：「圖書館嘅閱讀時間通常30至45分鐘，但我嘅情況同報道嗰位媽咪唔同，我係有圖書館姐姐喺一個房間入面照顧小朋友，有義工姐姐同佢哋講古仔同畫畫，媽咪都需要休息吓。其實畀小朋友自己喺圖書館睇書係一個好好嘅訓練，我大約10歲嘅時候，媽咪都成日放低我。」Nicola又希望可以訓練囡囡獨立：「我唔係會盯實佢，唔係離開3cm都唔得嘅媽咪。（唔驚拐帶？）驚o架，但有重複教佢哋遇到事要冷靜，唔好亂畀媽咪電話人，佢哋都學緊跆拳道，女仔唔可以只做甜姐兒，要有自信。」
周瑋瑩寄望女兒接棒
而擔任晚宴籌委會主席的Jacqueline開心表示獲多位好友捐錢及捐助拍賣品支持，有感善事愈來愈難做，已長期碌盡人情卡，又透露平時有教導兩名女兒行善，女兒有捐書及玩具，並寄望囡囡將來可接棒為協會辦事。
林嘉欣否認疏忽照顧
至於藝人林嘉欣昨日出席活動時，提到早前有人爆料指她獨留6歲及3歲的女兒在公園，她澄清沒有疏忽照顧女兒：「其實我好多時會退後一步，遠距離睇佢哋玩，因為小朋友要長大，我都留意到有位女士不斷影相，我嗰刻只希望佢唔好影到我兩個女。（怕唔怕畀人誤會你疏忽照顧？）邊個做父母唔擔心自己子女？但都要畀子女學習經驗，我有同啲女講，如果有人話『我帶你見媽媽，帶你去食糖』，你要話『唔使喇，唔該！』而且我唔會離佢哋太遠。」
文：名人組