馬浚偉頭痛驚中風急入院

藝員馬浚偉昨日以大使身份出席慈善步行活動，宣揚預防中風訊息。馬浚偉表示活動兩年一度，好開心可以與一班病友及家屬再見面，他透露早前亦曾臨時入院做檢查：「當時因為頭痛急急入院住咗晚，做咗磁力共振照腦，自己都好擔心係中風，因為個頭係痛到脹晒，好彩檢查完所有結果都話冇事，醫生提我啲血液同指數都正常，要避免大壓力，休息多啲。希望大家都要了解，忙還忙都要注意健康，依家後生都有機會中風。」