唱歌唔夠氣搣甩煙癮 衛蘭減磅褲頭鬆 上圍頂得住

歌手衛蘭（Janice）、連詩雅（Shiga）、何雁詩、胡琳、尹光等前晚出席禁毒音樂會，Janice透露曾被誘食毒品：「我冇食同拒絕咗。（食煙？）有食過煙，不過一做咗運動知唔夠氣唱歌就戒咗。」明顯消瘦不少的她又指近日努力踩單車減肥，並會相約同唱片公司的Shiga及官恩娜同行。問到減了多少磅？Janice說：「冇計，不過褲頭鬆咗啲。」至於上圍有否縮水？搞笑的她即望一望自己的胸部笑說：「冇細到，OK呀。」

而Shiga透露讀書時期因壓力很大，曾有同學引誘她食毒品減壓，不過她未有跟隨：「入行之後冇人引誘我，反而讀書時期有同學咁做，我冇受引誘，佢哋係食大麻。」又自爆曾經是煙民，但很快已戒掉惡習：「知道入行做歌手要唱歌就冇再食，因為自己嘅肺活量好差，再食會影響唱歌。」

連詩雅曾被同學引誘吸毒，幸她不為所動。	胡琳前晚在音樂會獻唱，宣揚禁毒訊息。	何雁詩演唱時與小朋友互動交流。

提到官恩娜被傳再度懷孕，Shiga指沒聽過：「可能張相角度問題，我哋有約一齊踩單車做運動，知佢想收身。」

何雁詩自嘲「微波爐」

同場的何雁詩甩拖後罕有地以低胸裝谷事業線示人，她卻自嘲是「微波爐」，又透露活動後要趕去無綫台慶。雖然不少女星都一身珠光寶氣現身台慶，但她就笑謂要反傳統走平民路線：「我唔夠港姐嚟，我呢啲入屋。」對於同公司的吳若希宣布懷孕三個月，她坦言不會作出任何評論：「你問我我都係話問番佢。」

文：音樂組

攝：劉斌