方中信捐紅酒拍賣助病童 容祖兒客串收銀盼建校作育英才
容祖兒、方中信、張敬軒及羅力威昨午齊齊出席慈善拍賣活動。祖兒即場客串收銀員，透露長遠目標是想建學校培育社會棟樑，方中信則化身「慈父」，被現場小朋友重重包圍的他捐酒又捐錢，為善不甘後人。
英皇集團主席楊受成博士女兒楊玳詩昨午於淺水灣發起義賣活動，為癌症病童籌款，英皇旗下藝人包括容祖兒及方中信等紛紛現身支持，至於任達華、Twins等則捐出私人物品作拍賣，場面相當熱鬧。祖兒到場即充當臨時收銀員，楊受成博士捐錢亦由她代收。談到做善事，祖兒表示：「我屋企有好多衫唔捨得掉，早幾日執咗出嚟，可能捐出去幫有需要嘅人。其實我都成立咗自己嘅慈善基金想幫小朋友，最理想係喺內地起學校，因為小朋友係社會未來棟樑嘛。」
教囡囡行善
熱心公益的方中信割愛捐出一支靚紅酒作拍賣，由一位英皇高層以3萬元投得，他再即場捐出1萬元支持癌症病童。現場有一班小朋友表演唱歌，方中信不期然流露慈父相，與小朋友們雞啄唔斷，又抱他們坐大髀。他不諱言被小朋友的歌聲感動到眼濕濕：「其實我都會教個女做善事，幫佢捐錢去最低行政費用嘅慈善團體，留更多嘅錢幫助有需要嘅人。」
張敬軒年底搞義賣
同場的張敬軒表示最近睇書，學曉對身外物要「捨得」，更曾考慮將自己入行以來所得的逾千獎座捐出：「我儲埋好多奇怪物品，年尾前會搞個義賣活動，籌得善款會捐助小動物，佢哋咩都唔識講，我呼籲政府要立多啲例去保障佢哋。」而羅力威亦自揭10歲那年，羅父證實患上肝癌，現已康復，對方早前更花11天於大嶼山扒獨木舟環島遊。
文：影視組