新濠影滙拍婚照上天下水 熊黛林：我搵到自己嘅葉問
於上月底註冊結婚的名模熊黛林（Lynn）與郭可盈胞弟郭可頌（Ken），早前到了澳門新濠影滙酒店拍攝一輯別開生面的婚照，由8字形摩天輪影到去泳池，實行上天又下水。而身為專業名模的Lynn以超低V婚紗上陣，依然不及Ken爆肌露點搶鏡，Lynn大讚老公chok得型仔，又發表愛的宣言，表示已找到自己的葉問。
最近榮升郭太的熊黛林與老公郭可頌早前到澳門新濠影滙酒店拍攝婚照，由本地著名攝影師陳錦強操刀，兩人花了三天時間拍攝，並以多個造型上陣。他們更登上「8」字形摩天輪「影滙之星」居高臨下，之後落水到泳池影相，向來低調的Ken為婚照更加去到盡，不惜露點上陣，大騷健碩身材。
獲贈五呎蛋糕
其中一輯婚照以「鳥籠」為主題，Lynn與Ken化身「比翼鳥」，拍照期間Lynn不時向老公給予愛的鼓勵。另外，曾在電影《葉問》系列中飾演「葉問嫂」的Lynn，在婚照中重演這部成名作，並向Ken傳授功夫，Lynn冧爆表示Ken是她人生中的「葉問」：「我搵到自己嘅葉問啦，有人保護我啦！」兩人更獲酒店方面特意送上五呎巨型結婚蛋糕作拍攝之用。
Lynn表示今次有別於傳統婚照，揀婚紗方面Ken亦提供了不少意見：「今次婚紗相係重演我同Ken嘅故事，我哋喺一個Party相遇，由慢慢接觸，到之後一齊，好有故事性。」Lynn自言在拍攝婚照過程中，不時回憶起兩人的甜蜜拍拖片段：「感覺好似我蝦佢多啲咁，因為佢比較就我。」她讚老公有當模特兒的潛質：「放開咗之後真係幾Chok。」
大擦澳門美食
拍攝婚照之際，Lynn剖白了待嫁心情：「講唔出嗰種感覺，又冇平時啲人講到咁緊張，但又覺得有少少變化，唔識講，總之日日都好幸福、好開心。」而在澳門拍照期間，Lynn大擦當地美食葡撻、豬扒包，笑言在拍攝婚照前曾想過做運動收身，可惜最後因為工作關係，被迫放棄減肥大計。
文：名人組