聽完偷笑？朱千雪話唔知錯！
藝人王浩信、朱千雪與蔡思貝等昨日到尖沙咀拍攝新劇《踩過界》，提到被指前晚聽到陳凱琳在台慶上誤將「奮不顧身」講成「粉身碎骨」時偷笑，朱千雪急澄清：「當時我都唔知道Grace（陳凱琳）講錯，都係嘟姐（鄭裕玲）Correct先知！我唔係偷笑，我平時都鍾意笑。」而王浩信的老婆陳自瑤亦在台慶演出性感肚皮舞，問到現場有否睇到「眼火爆」，他笑說：「好多人都恭喜我，好似黃宗澤、馬國明都同我講『我真係恭喜你！』，代表我眼光好，太太Keep得好！」
至於扮哨牙的蔡思貝透露仍未拍哨牙咀戲：「我哋成日幻想條脷會唔會卡住咗喺個牙縫度！」劇中單戀「盲俠」王浩信的她笑言不排除以牙撞牙強吻對方：「都會錫埋千雪，愛屋及烏！（錫？）唔係Physical嗰隻！」
