黃心穎霸氣輸「峰」頭冇計

藝人黃心穎與組合艾粒昨日出席品牌活動，三人即席沖奶茶。心穎表示每日早上飲齋啡去水腫，下午茶則會歎奶茶。提到台慶一眾女藝人「胸」群出動？心穎即呻：「我只係露背咋！（風頭輸晒？）最緊要着得舒服，而唔係為咗任何嘢。每年台慶都係搵設計師幫我度身訂造，覺得條裙着出嚟都好有霸氣、好高貴。」一直有擔任宴會司儀的心穎自言有信心挑戰當台慶司儀，問到可會怕似陳凱琳般用錯四字詞？她認為有可能：「其實都OK啊！變咗一個Talking point，都唔係咁大嘅Mistake，台慶最緊要開心。」