張智霖囝囝打疫苗發燒

藝人鄭少秋、張智霖、「順嫂」梁葆貞和商天娥等昨晚在鴨脷洲出席長者盆菜宴。訪問中,張智霖指自己原本未能出席:「但咁啱休息所以可以嚟!原本都諗住帶埋個仔嚟,點知佢打完疫苗就發燒。阿靚(老婆袁詠儀)要喺屋企睇住佢,所以就冇嚟到。」

至於鄭少秋就指自己正準備來年的入行五十周年演唱會,更笑謂會請囡囡鄭欣宜做嘉賓上台表演擘腿動作。