陳凱琳再發育 Vs 庭欣透視「壽包」

無綫《萬千星輝賀台慶》昨晚在將軍澳電視城舉行，逾二百位藝員出席及瞓身表演，慶祝電視台邁向50周年，一眾女藝員更把握機會悉心打扮鬥索，現場胸光滿瀉，目不暇給。

前港姐陳庭欣以希臘女神裝示人，勁騷C Cup蜜桃胸，加上露背及全身透視效果，令人噴血。她笑言已黐了大量膠紙防走光：「打十個後空翻都冇問題！不過中間要換衫跳舞，要受吓皮肉之苦，膠紙要搣完再黐。（唔黐膠紙囉！）個人會癡呀！」首年參與無綫台慶的傅嘉莉身穿白色低胸裙，勁谷湯碗胸及四吋事業線，但卻一度驚現高低鴛鴦胸，她賣口乖說：「呢日係公司大日子，要揀條靚啲嘅裙，展示努力Keep Fit嘅身材！（驚走光？）條裙好貼身。」而身穿黑色露背裙的黃心穎側身透視到大髀位，疑似沒穿內褲，卻粗腰殺風景，問到是否真空？她大賣關子說：「所有安全措施都做齊，似有似冇，大家估下！（着T-Back？）唔知呢？但有打底。」身形瘦削的陳凱琳擔任司儀之一，出盡力谷胸疑似再發育，效果猶如升了兩Cup！

傅嘉莉谷胸賀壽，甚為養眼！

陳庭欣的戰衣相當進擊，前後均有睇頭。

晒料唔使問老公

相反兩大視后田蕊妮及胡定欣相比之下較錫身，阿田與郭晉安及陳豪一同亮相，身穿紅黑花裙稍露事業線的她略有睇頭，但比起其他小花當然「小巫見大巫」，對於穿低胸裝，她笑言不用老公杜汶澤批准：「唔使下話！」至於定欣更封胸封到上頸，她說：「條裙好多閃石，唔使戴首飾都好靚。」在旁的緋聞男友陳展鵬說：「係呀！佢呢期玩線條！」問到兩人會否怕在趣劇環節被玩？定欣坦言「預咗」，展鵬則笑說：「稿入面冇！（爆肚？）鬥爆囉！都係搞氣氛啫！（唔嬲？）太過分可以叫唔好，報警o架！」另外，電視廣播有限公司董事方逸華聯同主席陳國強及副主席黎瑞剛於騷前主持亮燈儀式，方逸華精神不俗，黎瑞剛則是首次主持亮燈。

向前輩多多學習

而節目進行至第二部分表演後，司儀之一的陳凱琳說：「又高踭鞋又高台，TVB藝人每個粉身碎骨，係為觀眾睇得開心！」疑誤將「奮不顧身」講成「粉身碎骨」，之後司儀鄭裕玲（嘟嘟）於另一Part提點港男丁子朗說：「我畀少少忠告你，就係我哋藝員一定要向觀眾負責，如果唔係，明明係『奮不顧身』就變成『粉身碎骨』㗎喇！」明顯借此糾正陳凱琳。而騷後嘟嘟及陳凱琳齊齊受訪，陳凱琳直言講錯時不為意：「我拍古裝都成日講錯四字成語，大家話我知，都覺得好好笑。」嘟嘟說：「玩咋！唔好咁認真啦！」陳凱琳又表示要向嘟嘟多多學習。

文：影視組