何浩文冇請麥明詩拖新歡認愛
藝人何浩文（Dominic）自資開日本餐廳，曾豪言會請緋聞女友麥明詩食一世免費餐，惟昨日餐廳開幕未見麥明詩現身，Dominic卻帶同空姐女友唐紫瓊公開戀情，麥明詩其後受訪時大方說：「恭喜佢！」
何浩文與麥明詩（Louisa）早前合作拍無綫劇《賭城群英會》傳緋聞，Dominic準備新開張的日本餐廳時豪言會請Louisa食一世免費餐，其餐廳昨日開幕，他請來好友伍允龍及黃浩然等撐場，卻未見緋聞女友Louisa現身。Dominic受訪時趁機公開新戀情，帶同空姐女友唐紫瓊（Candy）亮相，正式「飛起」Louisa，而麥明詩受訪時大方送祝福：「恭喜佢！」
擺伍允龍緋聞上枱
Dominic昨日受訪時坦言沒有邀請Louisa：「冇請！今次請嚟嘅基本係最好嘅朋友，全男班！」明顯想劃清界線。而他在活動中更承認與Candy拍拖，更大方搭膊合照，確認正印女友的地位，Dominic說：「我女朋友今日都有嚟幫手。（你同佢去完旅行就確認戀情？）我哋開始咗兩個星期左右。（對方係圈外人，有壓力？）所以佢剛才匿埋喺店入面，我會保護佢。」伍允龍聞言即與他握手祝賀，豈料卻被Dominic將緋聞擺上枱！問到會否幫伍允龍追求劉佩玥（Moon）？Dominic說：「我識Moon，但冇佢電話，要靠伍允龍幫我請佢過嚟食嘢！」伍允龍即笑稱冇問題。
通宵捱足一星期
Dominic透露今次與友人合資開食店，自己投資了逾七位數，為準備開業試過通宵工作一星期及爆喊：「尋晚執完間舖都有喊。（最辛苦係咩？）試過通頂一星期，喺架車瞓一個鐘後又起身工作。」至於伍允龍被問到有否打算入股，他笑稱不懂做生意：「我未試過投資，佢講Business plan講到似希臘文，我都唔知佢講咩！我爸爸係功夫師傅同會計，錢銀我交晒畀佢處理。」
文：影視組