關心妍三Cup跳50萬搞百日宴
37歲的歌手關心妍（Jade）昨日與老公楊長智豪花五十萬元為愛女楊榮心（Jovia）在中環五星級酒店連擺兩場百日宴，中午筵開十二席與親戚食自助餐，之後轉雞尾酒會形式招待約二百名好友，出席嘉賓有古巨基夫婦、蔡一智夫婦、蔡一傑、許廷鏗、鄭欣宜、蒙嘉慧等等，會場布置由古巨基設計，以粉色為主，掛滿心形氣球，還有隻超巨型吹氣熊公仔，充滿童真，關心妍說：「好多謝基仔花心機構思，佢仲幫我設計朱古力做回禮禮物。」
問關心妍可有計劃追個仔？她笑說：「呢個追咗七年先追到，我唔敢諗，一諗追呢個過程都驚。我依家都老，再等多七年唔知有冇得生，我冇呢個打算，順其自然嚟就梗係好。」已經停餵母乳的她尚未收身，問她上圍是否「升cup」？她自爆升了三cup：「呢個唔好提，係從來冇跌過，原來餵人奶係好犀利，我覺得唔需要咁多。」
老公畀心機搵錢
關心妍承認幫女兒買了大額保險，亦幫囡囡準備教育基金，她說：「我哋投資晒畀佢，供小朋友要好多錢，要老公畀心機搵錢。」而百日宴收到的禮金，她會捐到自己成立的「妍亮生命基金」。
到場的許廷鏗表示跟胡鴻鈞、鄭欣宜及林欣彤夾份送了一套好得意的衫仔給BB，蒙嘉慧則代表老公鄭伊健到賀，她大讚BB女好得意好過癮。
文：音樂組