王浩信發展順利 望有提名

藝人王浩信昨日出席迎聖誕活動，與小朋友玩遊戲及即席獻唱。近期一劇接一劇的他事業發展順利，不過卻未有太多時間陪伴家人，他說：「上套劇啱啱煞科，依家跟住又拍緊《踩過界》，第一次做男主角兼且扮盲，戴住有色鏡開工，一到入夜就好唔舒服。」戲中他經常被拍檔李佳芯色誘，王浩信說：「開劇前大家其實唔係好熟，已經拍咗啲親熱戲，我事先有同老婆講，好彩佳芯好專業，令我放鬆咗。」他又預告二人稍後會拍攝激情床戲，認真火辣辣！