陳瀅求偶 外國極速約會

藝人陳瀅昨日出席商場聖誕之旅活動，她表示喜歡過寒冷的聖誕節，如可跟相愛的人一起度佳節會倍感溫暖。回復單身的陳瀅，直言想試吓speed dating（極速約會）：「唔係話想拍拖，係想試吓個過程，當然唔係喺香港啦，去到外國會想試吓。」又謂身邊一向不多追求者出現，故對自己缺乏信心，問到是否要求太高才導致沒有追求者？陳瀅說：「我係難接觸，因為我唔係好outgoing（外向），好慢熱，身邊朋友都係女仔。（你反應遲鈍感覺唔到？）唔會，我對呢樣嘢係好敏感。」又謂下次拍拖對象可接受圈內或圈外人，現對感情事隨緣，不抗拒別人的追求。