徐子淇生日 望籌千萬救助災童
「千億新抱」徐子淇身為香港救助兒童會贊助人及晚宴籌委會主席，昨晚偕丈夫李家誠出席以《愛麗絲夢遊仙境》為主題的慈善晚宴，她希望大家可出一分力，籌錢救助全球災難中的兒童，籌款目標是一千萬港元：「呢個係我嘅生日同結婚十周年願望，老爺李兆基都有幫手，仔女亦會捐出利是錢。（咁生日點慶祝？）自己生日並唔重要。」
三星期前子淇曾前往意大利，上船探望兒童難民，見到好多傷心畫面，她眼濕濕的說：「我捐咗幾百萬去租一架救援船去救海中嘅人，佢哋都係受政治迫害被迫走難。有個13歲嘅小朋友，父母已經過身，佢隻身走咗去七個國家，去到利比亞遇到個『蛇頭』，坐橡皮艇出海逃生，隻艇超載、冇救生衣、又唔夠油去目的地，好危險，好彩最後救番起佢！又有兩個小朋友睇住父母浸死，變成孤兒，依家盡量為難民提供食物同心理輔導。」她將所見所聞告訴家中四名子女，將來有機會想帶子女去行善。
歌手王梓軒擔任表演嘉賓，他以「瘋帽匠」造型亮相，他會跟十位小朋友一同載歌載舞。
