高海寧爆Seed還擊 兇走偷拍狂
藝人高海寧（高Ling）昨日於微博爆Seed留言表示被怪人偷拍，又指對方扮講電話，但頻頻於偷拍時響起快門聲，令她無法忍受。她稱走開避鏡頭時更被對方尾隨繼續拍！高Ling留言說：「怪先生，謝謝你為了偷拍我花盡心思，可是下次如果要假裝在講電話，手機請記得要關靜音，要不然偷拍的時候手機會對着我不停『喀擦喀擦』直響，這樣真的很奇怪！我已經故意走開，請不要再厚着臉皮死跟過來，要不然感覺會有點變態。其實你大可以大方過來要求合照，我超OK的，就是不OK被這樣奇怪地偷拍！拜託！」
非首次被偷拍
事後她接受本報訪問，自言日前於超市購物時遇上此偷拍怪客，更透露不是首次遇到類似情況，故今次決定於網上與大家分享：「只係覺得好笑，同大家分享。我之前都試過被另一個男仔扮講電話去偷拍，但佢電話個閃光燈就不斷閃，令我忍唔住同佢講『可唔可以唔好再偷拍我』。佢即刻話佢只係同阿媽傾緊電話，但我就指出佢個閃光燈係咁閃我，一講完佢就即刻冇嘢講走咗。」
操Fit跳肚皮舞
而高Ling昨日亦於大埔出席慈善步行活動，預告將於台慶表演跳肚皮舞，故她笑言要重點操Fit腰部線條。她稱目前跟隨健身教練做Gym，更明言不怕減到上圍縮水：「減咗上身，着衫靚啲，個人睇落冇咁圓碌碌！（瘦咗令事業線少咗？）我唔同人鬥事業線。（緋聞男友鄧智偉讚你Fit？）瘦咗自己開心，我身邊人都會開心！」
文：影視組
