梁小冰為正義鬧爆衝紅燈惡女

駐顏有術的46歲人妻梁小冰前日在社交網站憶述被罵經過，事緣有女士衝紅燈之餘，又罵她「掛住食魚蛋阻街」，小冰留言：「佢以為我係o靚妹唔敢還口……」並上前與對方理論。事後小冰接受訪問，她表示：「呢啲係日常生活平常師奶遇到嘅小事，諗住喺個人Facebook講出嚟等大家安慰一吓我盛怒的心，冇諗過會見報。（老公有咩反應？）朋友支持錫番，老公又呵番啦，仲話如果佢喺我身邊就等佢去鬧，唔使我咁激氣，今朝跑完十公里怒氣全消。」