馮盈盈處女落區 企街募捐
應屆港姐冠軍馮盈盈、藝人朱智賢及麥長青等昨日在街頭為慈善節目募捐，首次落區的盈盈透露正密鑼緊鼓為台慶表演綵排，十分期待當晚的演出。
馮盈盈、朱智賢（Ashley）、麥長青（麥包）、黃建東及楊詩敏等，昨日兵分多路，到香港多個地區為《歡樂滿東華2016》有力出力。首次落區為《東華》募捐的盈盈大感新鮮，並大讚麥包「吸金力」驚人。她說：「佢就算企喺路中心都搵到人捐錢，不過我哋第一站當熱身，嚟緊會好啲嘅。」
朱智賢練大膽
《東華》當晚，盈盈要表演歌舞的環節，問到台慶表演逼近還可分身做募捐？她表示：「台慶當晚我哋會同好多位歷屆港姐表演歌舞，呢輪積極綵排，我都好期待。」Ashley則表示要練大膽，她說：「我哋成班『天坑之旅』嘅女仔想去挑戰獅子山，因為出發天坑前去過一次，當時好驚，依家再去應該好好多，我計劃遲啲去澳洲試玩sky diving。」
麥長青傾續約
麥長青則表示與無綫下月約滿：「仲傾緊續約，我想趁仲未變鹹魚前，諗吓係咪要做番啲自己想做嘅嘢。服務咗無綫29年，如果離開，最唔捨得啲幕後，佢哋陪住我經歷高低潮。」黃建東與楊詩敏等到沙田及黃大仙募捐，黃建東說：「我第三年參與，頭先做訪問，有個小朋友入鏡要捐錢，大家咁有善心，我好開心。（籌款當晚唱《PPAP》募捐？）頭先都有街坊叫我唱，我就話睇吓善長捐幾多至決定。」
文：影視組