藝人張建聲前日在社交網上載右手滿布傷痕及血漬的相片，可見食指及中指等位置有縫針。他留言：「一不小心就發生的一段小插曲，我沒事請放心，此post用意在於大家見到我本人時不用再解釋太多。」
本報透過電話訪問，張建聲指在布吉拍廣告時不慎滑倒，碰到玻璃而受傷：「因為有灘水，自己唔夠精神，跣一跣挨埋個玻璃度，結果整親，要漏夜去醫院縫九針。」他又表示由於流血過多，嚇怕同行的工作人員：「佢哋驚我暈又驚我痛，但係我冇乜大礙，所以唔使擔心。依家最緊要每日換藥，保持傷口乾爽，盡量唔畀佢郁，因為好怕佢破裂，又要重新縫針，一嚟痛，二嚟驚影響之後嘅拍攝。希望呢幾日抖足精神，返香港再搏殺。」不少網民及圈中好友鄭欣宜及李蘊等也留言慰問。