連詩雅曱甴爬上髀

歌手連詩雅（Shiga）與王宗堯昨日出席保育活動，Shiga坦言最怕曱甴及壁虎，十多歲時因住村屋附近，所以經常遇到會飛的大曱甴：「有次隻腳痕痕哋，原來有隻手指公咁大嘅曱甴爬咗上我大髀，我驚到嗌，等媽咪幫我解決。仲有次我半夜斟水飲，杯柄有隻大曱甴，我成隻水杯飛落地。」

她又爆周柏豪比她更怕曱甴：「有次我哋去馬來西亞宣傳，坐保母車時佢突然大聲嗌跟住衝落車，因為有曱甴，我都會驚，但唔會咁大反應。」而王宗堯認為要多做保育工作，希望下一代不是日日玩電子產品，而可以親親大自然。