項明生唔驚杜如風搶客

旅遊達人兼節目主持項明生（James）前晚在紅磡出席「星夢郵輪雲頂夢號首航《日耳曼的天空》派對」，見證百億打造的「雲頂夢號」首航及他主持的無綫旅遊節目《日耳曼的天空》首播。他表示有逾百人出席盛會，更感謝杜如風「讓出」御用導演與他到歐洲拍足一星期，又指在德國走進全球最大船廠拍攝：「我好似變咗細路仔咁，嗰度啲嘢好大好誇張！我哋係第一支攝製隊入去拍攝！」而上月到船廠參觀時，三千名工人仍為「雲頂夢號」趕工，現時郵輪已駛進香港，James不禁讚嘆：「好Amazing！」
項明生到德國參觀全球最大的船廠。
項明生到德國參觀全球最大的船廠。

問旅遊是否會傾向郵輪假期，James笑說：「坐過郵輪之後真係中晒毒！細個試過Backpack坐巴士坐火車，但坐郵輪真係好舒服，服務又好，又安排晒嘢食，一瞓醒就已經喺新地方、新港口。」他表示稍後會再到日、韓拍攝節目：「我同杜如風講，我搶唔到佢啲客，佢又搶唔到我啲客！佢講飲講食啲，癲癲喪喪啲！我就有深度啲！」

項明生現身「雲頂夢號」首航活動。
  • 項明生現身「雲頂夢號」首航活動。
杜如風的旅遊節目主打講飲講食。
  • 杜如風的旅遊節目主打講飲講食。