林欣彤沖涼練歌 清唱冇問題

歌手林欣彤（Mag）和廖碧兒昨日出席跑馬地馬場活動，Mag演唱期間突然音響失靈，最後要執生清唱。她說：「因為唱嗰時音樂跳咗幾跳，所以就清唱啦，好彩平時屋企都有練吓。（沖涼練？）係呀。」Mag又稱剛開始拍劇，感覺好玩。問她可有NG？她說：「咁又冇，好彩係蔣志光做我爸爸，開頭我都有壓力，但蔣志光好好，佢教我做演員講對白同平時講嘢嘅分別。」