五位星級媽咪周家蔚、湯盈盈、鍾麗淇、文頌嫻及姚樂怡，昨日各自帶埋小朋友一齊聚會，每個小朋友都悉心打扮成王子公主，其中最引人注目的莫過於周家蔚的細仔JT（洪竟琋）和姚樂怡的囡囡Gaibe小雞髀（吳芊憧）的合照，他們兩個「情深」對望，吸引一眾網民大讚可愛，指他們是最合襯的小情人。
五位好姊妹周家蔚、湯盈盈、鍾麗淇、文頌嫻及姚樂怡，昨日帶着一眾打扮成公主、王子的囝囡一齊開心相聚，周家蔚、湯盈盈及姚樂怡還大方把小朋友的得意照放上網跟大家開心分享。當中周家蔚的細仔JT（洪竟琋），穿起白色小西裝和穿着白色公主裙、姚樂怡的囡囡Gaibe小雞髀（吳芊憧）合照，他們互相對望十分搞笑，兩大萌B碰頭，成功吸引網民注意。
另一張七個小朋友的大合照，扮成白雪公主頭戴紅色大蝴蝶結的湯盈盈細女錢凱琪（Kassidy）、紮了孖辮鍾麗淇細女Michela和坐在地下的小雞髀，三個年紀最細的小朋友都不懂望鏡頭，呈現天然呆十分趣致。而文頌嫻囡囡Jamie和湯盈盈大女錢凱晞（Alyssa）都着上藍色裙扮《冰雪奇緣》中的Elsa，果然和媽咪一樣是好姊妹。
周家蔚和姚樂怡分別接受本報電話訪問，姚樂怡表示很難得可以與好姊妹相聚，「平日大家都好忙，難得咁啱個個都得閒，可以帶埋小朋友出嚟玩好開心，又可以一齊扮下公主同王子，大家見到現場嘅卡通布置都好興奮！」
而有兩個囝囝的周家蔚更指要介紹更多卡通公主予囝囝認識，「我平時都有畀卡通公主嘅電影佢哋睇，不過囝囝今日嚟到就唔知咩係白雪公主，所以我都想介紹畀佢知，因為畢竟佢哋身邊好多女仔朋友。」她又表示因為大仔TJ（洪大仁）已經三歲，所以現在可以自己帶兩個小朋友出街，「大仔依家已經唔使『人盯人』咁睇住，所以我帶一個工人姐姐就可以出街，方便好多。」
文：專案組