吳業坤驚窒息 求張秀文封咪

歌手吳業坤昨日與張秀文、伍允龍及一班應屆港姐港男等出席無綫節目《萬千星輝賀台慶》預演活動，期間伍允龍表演功夫，港男表演飛騰與疊羅漢，而應屆港姐冠亞軍馮盈盈與劉穎鏇等唱生日歌，季軍陳雅思則跳肚皮舞。

間中睇會好刺激

早前於活動上碰過頭的坤坤及秀文透露屆時聯同其他藝人進行才藝表演，對於曾因對方的性感衣着而感尷尬，坤坤坦言有意叫秀文於台慶改行密實：「我驚自己氧氣唔足夠，所以希望佢密實啲。（有冇諗過要克服？）都要時間！可能每日對住就冇問題，間中睇就會刺激囉！」

談到現身前緋聞女友Aka參與的音樂會，但握手環節未獲對方伸出「友誼之手」，坤坤笑說：「我坐後排嘛！（後台有冇合照？）都冇！音樂會期間佢應該見到我，我係用自己方法入場，唔係佢畀飛。（冇請你做嘉賓感失望？）我驚如果做會落唔到台。（係咪想好似男粉絲咁佢哋喺面前跳性感舞？）點解唔搵多幾個呀？」

伍允龍跳起踢腿，功夫堅過石堅。	陳雅思翩翩起肚皮舞，好腰力！	馮盈盈（右）與劉穎鏇唱歌甩甩漏漏，有待改進。

馮盈盈唱歌甩漏

馮盈盈與劉穎鏇等人唱歌時有點甩漏，盈盈坦承狀態未算最好，僅練習短短幾日：「我哋都好認真，搵咗唱歌老師教，其實到時唔止唱生日歌，仲會有其他歌。（頭先都有甩漏！）可能大家風格唔同，聲線未成功夾到。」正在美國讀大學二年班的劉穎鏇表示暫時要港、美兩邊飛：「因為學校未完全搞好晒，所以要繼續讀住先，之後喺香港讀又未完全Transfer得晒，應該都仲要一段時間。（美國總統選舉有投票？）雖然係美國公民但冇投，不嬲我對政治冇特別留意！」伍允龍則表示台慶夜將與女性表演功夫，但不肯透露對手是誰。

文：影視組